Price description
Páskahjólaskemmtun hjá Vestra!
Við hjá Vestra hvetjum alla fjallahjólara til að fjölmenna í skemmtilega uppákomu laugardaginn 4. apríl.
Planið er að hópa sig saman við skálann á Seljalandsdal og halda þaðan upp á topp í Sandfellslyftu. Þar hefst fjörið þegar við hjólum saman niður skíðabrautina, alla leið niður í Tungudalsskála.
Helstu upplýsingar:
Tímasetning: Við stefnum á að fara af stað eftir lokun skíðasvæðisins (háð veðri).
Fyrir hverja: Alla hjólara á fjallahjólum! Því fleiri því skemmtilegra.
Keppni: Hugsanlega verðurboðið upp á tímatöku fyrir þá sem vilja mæla sig við klukkuna, en það er alls ekki nauðsynlegt – aðalatriðið er að hafa gaman saman.
Við hvetjum alla til að mæta og taka þátt í þessu hressa fjallabruni.
Sjáumst hress í brekkunni!