Minningarathöfn um þau sem létust í krapaflóðunum sem féllu á Patreksfjörð 1983 verður haldin sunnudaginn 22. janúar næstkomandi í tilefni þess að þá verða 40 ár liðin frá atburðinum.
14:00 – Minningarstund í Patreksfjarðarkirkju. Séra Kristján Arason heldur minningarstund að viðstöddum Kristjáni Björnssyni vígslubiskupi. Tónlistarfólk af svæðinu flytur tónlistaratriði.
14:40 – Gengið að minnisvarðanum. Viðbragðsaðilar verða í broddi fylkingar og lagður verður blómasveigur og kerti við minnisvarðann.
15:15 – Minningarathöfn í anddyri félagsheimili Patreksfjarðar. Til máls taka:
– Úlfar Thoroddssen, fyrrverandi sveitarstjóri Patreksfjarðarhrepps.
– Þórdís Sif Sigurðardóttir, bæjarstjóri Vesturbyggðar.
– Guðni Th. Jóhannesson, forseti Íslands.
Að lokinni dagskrá býður slysavarnardeildin Unnur upp á kaffi og veitingar.
Öll eru hjartanlega velkomin.