Örnefni, minjar og sögur á Vestfjörðum

Vinnustofa um örnefni, minjar og sögur á Vestfjörðum verður haldin í Rögnvaldarsal Edinborgarhússins á Ísafirði sunnudaginn 14. júní kl. 13:00–17:00.
Markmið vinnustofunnar er að vekja athygli á mikilvægi þess að varðveita staðbundna þekkingu um örnefni, minjar, gamlar leiðir, tóftir, sögur og aðrar upplýsingar sem tengjast sögu og mannlífi á Vestfjörðum.
Viðburðurinn er ætlaður öllum sem hafa áhuga á örnefnum, minjum og sögu Vestfjarða. Ekki þarf sérstaka sérþekkingu til að taka þátt. Þekking heimafólks, eldri kynslóða, áhugafólks og þeirra sem þekkja landið getur skipt miklu máli þegar kemur að því að halda til haga upplýsingum sem annars gætu glatast.
Á vinnustofunni verður unnið með kort, loftmyndir og skráningu, bæði á pappír og í tölvu. Farið verður yfir hvernig skrá má örnefni og hvernig koma má upplýsingum um minjar í réttan farveg. Þátttakendur geta komið með eigin upplýsingar, ábendingar, sögur, gömul kort, ljósmyndir eða aðra vitneskju sem tengist ákveðnum stöðum.
Á staðnum verða Þórey Dalrós Þórðardóttir og Bjarney Guðbjörnsdóttir frá Náttúrufræðistofnun með leiðbeiningar um örnefnaskráningu og vinnu með Örnefnasjá.
Einnig koma Margrét Hrönn Hallmundsdóttir, fornleifafræðingur, og Lísabet Guðmundsdóttir, minjavörður Vestfjarða, með fræðslu um minjar og skráningu þeirra.
Skipuleggjendur hvetja fólk til að koma með þá þekkingu sem það býr yfir. Jafnvel stakar ábendingar, gamlar frásagnir eða örnefni sem fáir muna lengur geta skipt miklu máli. Slíkar upplýsingar geta varpað ljósi á búsetu, nýtingu lands, samgöngur, sjósókn, búskap og daglegt líf fyrri tíma.
Ekki þarf mikla tölvukunnáttu til að taka þátt. Mikilvægast er áhugi, þekking eða vilji til að varðveita upplýsingar sem annars gætu glatast.
Þátttökugjald er 3.000 krónur.
Skráning og nánari upplýsingar eru hjá Bernharði Guðmundssyni í netfanginu bernhardurg@gmail.com.
Vinnustofan er haldin af Fornminjafélagi Súgandafjarðar í samstarfi við Náttúrufræðistofnun. Að undirbúningi vinnustofunnar hafa komið Bernharður Guðmundsson og Eyþór Eðvarðsson.