Vestfjarðastofa boðar til íbúafunda á Vestfjörðum þar sem fjallað verður um gerð svæðisskipulags fyrir Vestfirði og gerð Sóknaráætlunar Vestfjarða 2025-2029. Allir Vestfirðingar ungir sem aldnir – nýir sem gamlir eru hjartanlega velkomnir!
Á Reykhólum verður fundurinn haldinn í Reykhólaskóla fimmtudaginn 30. maí og hefst kl. 16:30.
Á fundinum munu aðilar frá VSÓ ráðgjöf og Úrbana fjalla um gerð svæðisskipulags Vestfjarða 2025-2050, en þetta er í fyrsta sinn sem ráðist er í þá vinnu að gera sameiginlegt skipulag fyrir Vestfirði í heild sinni. Einnig fjalla þeir um gerð nýrrar sóknaráætlunar fyrir Vestfirði en hún er aðgerðaráætlun sem gerð er til fimm ára í senn. Þá verður Vestfjarðastofa með stutt erindi um loftlags- og orkuskiptaáætlanir sem eru mikilvægur liður í þessari vinnu.
Hópavinna þar sem annarsvegar verður unnið með áherslur Sóknaráætlunar Vestfjarða 2025-2029 og hinsvegar með Framtíðarmyndir Vestfjarða 2050. Niðurstöður hópavinnu og umræðna verða nýttar við mótun framtíðarskipulags og aðgerðaáætlun fyrir Vestfirði.
Við hvetjum ykkur öll til að koma og taka þátt í þessari mikilvægu vinnu sem leggur drög að framtíðarskipulagi á Vestfjörðum í gegnum svæðisskipulagið og áherslum fyrir þau verkefni sem ákveðið verður að ráðast í næstu fimm árin í gegnum sóknaráætlun.
Gert er ráð fyrir að fundi ljúki klukkan 18:30 og þá verður öllum fundargestum boðið upp á grillaðar pylsur
Boðið verður upp á barnapössun á meðan á fundi stendur