Samskipti Íslendinga og Baska á 17. og 18. öld - Peter Bakker, lektor við Árósaháskóla

Þann 10. ágúst kl. 16 heldur Peter Bakker, lektor við Árósaháskóla, fyrirlestur í Hnyðju á Hólmavík fyrirlestur um samskipti Íslendinga og Baska á 17. og 18. öld. Á 17. öld sóttu Baskar til Íslands í leit að hvölum, eftir að þeir höfðu verið reknir frá hefðbundnum hvalveiðislóðum sínum þar sem nú er Kanada. Þrjár meginniðurstöður heimsókna þeirra eru þekktar og vekja enn spennu hjá fólki í Baskalandi, Íslandi og öðrum stöðum í heiminum. Fyrst ber að nefna hin hryllilegu fjöldamorð á tugum baskneskra hvalveiðimanna, að undirlagi Danakonungs, eftir að þeir misstu skip sín haustið 1615, eins og Jón Guðmundsson lærði greinir frá í Sannri frásögu af spanskra manna skipbrotum og slagi. Í öðru lagi eru það tengslin á milli Baska og Íslendinga með mállýsku sem virðist vera pidgin-mál. Í þriðja lagi er það tilvist fjögurra íslensk-baskneskra orðalista sem voru samdir af Íslendingum. Nýlega uppgötvaðist fjórði orðalistinn sem er greinilega tengdur göldrum og heiðni. Í erindinu mun Peter Bakker sýna að samskiptin árið 1613-1615 áttu sér stað á latínu frekar en pidgin, með því að nota bæði tungumálaleg sönnunargögn og athugasemdir úr samtímanum. Orðalistarnir hafa reynst ósamrýmanlegir við þessa fyrrverandi dagsetningu og við baskneska málsvæðafræði. Að auki mun Bakker ræða um uppgötvunina á tilvist pidgin málsins. Listinn var fyrst gefinn út árið 1937 af hollenska fræðimanninum Nicolaas Deen og pidgin setningarnar voru fyrst greindar seint á 20. öld. Hann mun ræða um hvers vegna það tók svona langan tíma og byggja á nýjustu rannsóknum á Deen og lífi hans. Fyrirlesturinn verður á ensku.