Kaldrananeshreppur

Stutt verkefnalýsing: Stutt verkefnalýsing: Þróun þjóðtrúargöngu sem tengir saman Laugarhól, Kotbýli kuklarans og þjóðsagnastaði í Bjarnarfirði. Áhersla á miðlun sögu, galdra og þjóðtrúar, ásamt uppbyggingu gönguleiða, úrbótum við Gvendarlaug og eflingu heilsutengdrar ferðaþjónustu.

Helstu verkþættir:

• Þróun og merking þjóðtrúargöngu með fræðsluskiltum, kortum, QR-kóðum og tengingu við Galdrasafnið.

• Miðlun sögu og þjóðtrúar, meðal annars um Svan galdramann, Selkollu, Guðmund góða, Kotbýli kuklarans og menningarminjar svæðisins.

• Merking og GPS-hnitun göngu-, hjóla- og gönguskíðaleiða, meðal annars um Bjarnarfjarðarháls, Nesströnd, Goðdal og Þverárgljúfur.

• Úrbætur við Gvendarlaug með stígagerð, handriðum, fræðsluskiltum og verndun jarðhitasvæðisins.

• Þróun heilsutengdrar upplifunar með náttúruböðum, jóga, hugleiðslu, hvíldarpöllum og aðstöðu fyrir hópa og leiðsögn.

• Miðlun upplýsinga um aðra staði og verkefni á svæðinu, meðal annars útisturtu við Hvamm, Kirsuberjahúsið og Onsen-verkefnið, ásamt áhættumati og öryggismerkingum.

Markmið verkefnisins:

• Öryggi
• Náttúruvernd
• Bætt aðstaða
• Heilsársferðaþjónusta
• Bætt upplifun ferðamanna
• Þjónustunet Vestfjarðaleiðarinnar

Umsjónaraðilar/ábyrgðaraðilar: Kaldrananeshreppur í samvinnu við Hótel Laugarhól (Remote Iceland) og Kotbýli kuklarans (Standagaldur)

Stutt verkefnalýsing: Heildarhönnun og uppbygging aðstöðu við fjörupottana á Drangsnesi með áherslu á bætt aðgengi, öryggi og upplifun heimamanna og ferðamanna. Uppbyggingin taki mið af náttúru og sérstöðu pottanna sem heilsutengds áfangastaðar.

Helstu verkþættir:

• Skipulag og hönnun bílastæða, aðkomu og umhverfis við pottana.

• Endurbætur á salernum, sturtum og skiptiaðstöðu ásamt uppbyggingu skjóls og nestisaðstöðu.

• Bætt lýsing, göngubrautir og endurgerð þrepa niður að pottunum og mögulega að sjó.

• Uppsetning fræðslu- og öryggisskilta um jarðhita, sögu pottanna, hitastig og umgengni.

• Umhverfisvæn hönnun sem fellur að fjörunni og tryggir aðstöðu fyrir bæði heimamenn og gesti.

Markmið verkefnisins:

• Öryggi
• Bætt aðstaða
• Heilsársferðaþjónusta
• Þjónustunet Vestfjarðaleiðarinnar
• Álagsstýring
• Bætt upplifun ferðamanna

Umsjónaraðili/ábyrgðaraðili: Kaldrananeshreppur og Verslunarfélag Drangsnesi 

Stutt verkefnalýsing: Uppbygging Grímseyjar við Drangsnes sem sjálfbærs náttúru- og menningaráfangastaðar. Verkefnið felur í sér bætt aðgengi að eyjunni, gönguleiðir, útsýnispalla og upplýsingamiðlun um fuglalíf, þjóðsögur, jarðfræði og menningarminjar, með áherslu á náttúruvernd og öryggi.

Helstu verkþættir:

• Úrbætur á bátaferðum og lendingaraðstöðu ásamt aðstöðu fyrir móttöku hópa og skipulagðar ferðir.

• Uppbygging göngustíga, útsýnispalla og leiðarmerkinga með tilliti til veðurálags og viðkvæms fuglalífs.

• Gerð korta, fræðsluskilta og stafræns efnis um náttúru og sögu eyjarinnar, meðal annars Kerlinguna, Nautið, Malarhorn, vitann og sögu refaræktar.

• Upplýsingamiðlun um eyjuna í þjónustuhúsi á Drangsnesi, meðal annars með QR-kóðum.

• Stýring umferðar við fuglabyggðir, sjávarkletta og önnur viðkvæm svæði ásamt öryggismerkingum og viðbragðsáætlun.

Markmið verkefnis:

• Náttúruvernd
• Þjónustunet Vestfjarðaleiðarinnar
• Öryggi
• Bætt aðstaða
• Bætt upplifun ferðamanna

Umsjónaraðili verkefnis: Hótel Malarhorn

Stutt verkefnalýsing: Uppbygging þjónustuskýlis við höfnina á Drangsnesi með salernum, nestisaðstöðu og upplýsingamiðlun. Skýlið verði miðstöð fræðslu um náttúru, sögu og menningu svæðisins og þjónusti ferðamenn, göngufólk og gesti á leið til Grímseyjar.

Helstu verkþættir:

• Hönnun og bygging þjónustuskýlis við höfnina með salernum, nestisaðstöðu, upplýsingaaðstöðu og nauðsynlegum veituinnviðum.

• Gerð korta, GPS-skráninga og merkinga fyrir göngu- og hjólaleiðir, meðal annars um Bæjarfell, Malarhorn, Selströnd og Neshringinn.

• Fræðsluskilti og stafræn miðlun um Grímsey, fuglalíf, þjóðsögur, sjávarútvegssögu og menningarminjar, meðal annars þurrkhjalla, verstöðvar og Biskupsbrunn.

• Uppbygging móttökuaðstöðu fyrir hópa, leiðsögn og bátsferðir, ásamt úrbótum á hafnarsvæðinu, göngustígum og öryggismerkingum.

• Áframhaldandi úrbætur við sjópottana, varðveisla menningarminja og þróun aðstöðu fyrir listaverk og menningartengda viðburði.

Stutt verkefnalýsing: Hönnun og uppbygging þjónustuskýlis á plani neðan við Laugarhól með salernum, nestisaðstöðu og upplýsingamiðlun. Skýlið verði miðstöð fyrir gönguferðir og fræðslu um náttúru, þjóðtrú og menningu Bjarnarfjarðar, með tengingu við Gvendarlaug og Kotbýli kuklarans.

Helstu verkþættir:

• Skipulag þjónustuplans og bygging þjónustuskýlis með salernum, nestisaðstöðu, fræðslurými og setuaðstöðu.

• Uppbygging vatns-, rafmagns- og fráveituinnviða ásamt bílahleðslustöðvum.

• Samræmd upplýsingamiðlun, kort, leiðarmerkingar og stafrænt efni um þjóðtrúargöngu og náttúruperlur, meðal annars Goðafoss, Skessustól og Svanshól.

• Úrbætur á göngustígum, brúm og öryggismerkingum ásamt áhættumati og viðbragðsáætlun.

• Bætt aðgengi, verndun og miðlun sögu við Gvendarlaug, með áherslu á tengsl við Guðmund góða og heilsutengda ferðaþjónustu allt árið.

Markmið verkefnisins:

• Öryggi

• Náttúruvernd

• Heilsársferðaþjónusta

• Þjónustunet Vestfjarðaleiðarinnar

• Nýr áningar- eða áfangastaður

• Þétting gönguleiða

Stutt verkefnalýsing: Efling núverandi þjónustumiðstöðvar í Hveravík með bættri aðstöðu og upplýsingamiðlun um náttúru, jarðhita, fugla- og hvalaskoðun, sögu Baska og menningarminjar. Verkefnið felur einnig í sér þróun gönguleiða, merkingar og stýringu umferðar um viðkvæm svæði.

Helstu verkþættir:

• Endurbætur á þjónustumiðstöð til heilsársnotkunar, upplýsingamiðlun um núverandi aðstöðu og móttaka hópa og leiðsagnar.

• Gerð korta, bæklinga, fræðsluskilta og stafræns efnis um jarðhita, náttúru og menningarminjar, meðal annars hvalstöð Baska, gömlu sundlaugina og Strákatanga.

• GPS-hnitun, merking og uppbygging gönguleiða um Pyttasundshæðir, Hamarsháls og Sandnesháls, ásamt tengingum við Bjarnarfjörð og Drangsnes.

• Uppbygging útsýnispalla og aðstöðu til fugla-, hvala- og selaskoðunar, meðal annars með upplýsingum um Grímsey, Reykjarnes og Grænanes.

• Bætt aðgengi, hvíldaraðstaða og stýring umferðar við jarðhitasvæði, minjar, fuglabyggðir og sellátur.

• Öryggismerkingar, viðbragðsáætlun og samstarf við ferðaþjóna um náttúruvernd og sjálfbæra nýtingu svæðisins.

Markmið verkefnisins:

• Öryggi

• Náttúruvernd

• Jákvæð samfélagsleg áhrif