Strandabyggð

Stutt verkefnalýsing: Uppbygging Kaldalóns sem áfangastaðar með tengingu við Drangajökul. Koma á samstarfi landeigenda, núverandi ferðaþjóna og sveitarfélags um þróun og hönnun áfangastaðarins. Markmið: Að bæta öryggi, aðgengi og upplifun ferðamanna í Kaldalóni með uppbyggingu nauðsynlegrar aðstöðu og bættri upplýsingagjöf. Náttúruvernd og jákvæð samfélagsleg áhrif.

Helstu verkþættir: Meta þörf og staðsetningu fyrir bílastæði. Koma upp salernisaðstöðu fyrir gesti. Bæta merkingar á svæðinu, meðal annars leiðbeiningar og öryggisupplýsingar. Kortleggja svæði þar sem símasamband er takmarkað eða ekkert. Setja upp upplýsingar fyrir ferðamenn um skort á símasambandi og önnur öryggisatriði.

Markmið verkefnisins:

• Öryggi
• Bætt aðstaða
• Bætt upplifun ferðamanna

Umsjónaraðili/ábyrgðaraðili: Ferðaþjónar með aðkomu sveitarfélags

Stutt verkefnalýsing: Uppbygging og áframhaldandi þróun listaverkaslóðar og áfangastaðar í landi Kirkjubóls.

Helstu verkþættir:

Halda áfram að þróun og framkvæmd verkefnisins Bæta úr merkingu að áfangastaðnum Leggja áherslu á listir, menningu og sögu sem tengist svæðinu Stýra ferðamönnum á slóðir að listaverkum til að minnka ágang að náttúru og fuglalífi

Markmið verkefnisins:

• Bætt aðstaða
• Heilsársferðaþjónusta
• Bætt upplifun ferðamanna

Umsjónaraðili/ábyrgðaraðili:  Ferðaþjónar

 Stutt verkefnalýsing: Áframhaldandi uppbygging og endurbætur á tjaldsvæðinu á Hólmavík með möguleika á endurhönnun á svæðinu.

Helstu verkþættir:

• Uppbygging tjaldsvæðisins
• Endurhönnun á tjaldsvæði og framkvæmdir til að fylgja hönnuninni eftir
• Tenging við ferðaþjónustusvæði og ferðaaðila á svæðinu
• Uppbygging ferðaþjónustureits
• Mögulegar tilfæringar á salernisaðstöðu og mögulega gerð nýrrar þjónustumiðstöðvar til ferðamanna
• Merking leiða
• Hönnun gönguleiða um og í kringum tjaldsvæðið
• Tryggja öryggi ferðamanna

Markmið verkefnisins:

• Öryggi
• Bætt aðstaða
• Álagsstýring
• Bætt upplifun ferðamanna

Umsjónaraðili/ábyrgðaraðili: Strandabyggð

Stutt verkefnalýsing: Breyting hafnarsvæðis og aðskilnaður ferðaþjónustu frá vinnusvæði. Gera nýtt svæði á hafnarsvæðinu á Hólmavík til að aðgreina ferðaþjónustu frá vinnusvæði tengt sjávarútvegi. Með aðskildu svæði er hægt að tryggja öryggi ferðamanna og gera örugga leið fyrir ferðaþjóna og skemmtiferðaskip til að veita sína sjótengdu afþreyingu. 

Helstu verkþættir:

• Hönnun á svæðinu
• Setja upp nýja flotbryggju ætlaða ferðaþjónustu og vinna sem fylgir því
• Aukning bílastæða ásamt mögulega frekari þjónustu við ferðamenn, eins og salernisaðstöðu
• Skiltagerð, merking ferðasvæðis
• Öryggisráðstafanir í kringum höfnina

Markmið verkefnisins:

• Öryggi
• Bætt aðstaða
• Álagsstýring
• Bætt upplifun ferðamanna

Umsjónaraðili/ábyrgðaraðili: Strandabyggð

Stutt verkefnalýsing: Hanna og gera bætta göngu- og hjólaleið umhverfis Þiðriksvallavatn.

Helstu verkþættir:

• Hönnun svæðis
• Framkvæmd göngustíga- og hjólastígagerðar
• Merking gönguleiðar

Markmið verkefnisins:

• Öryggi
• Náttúruvernd
• Bætt aðstaða
• Bætt upplifun ferðamanna

Umsjónaraðili/ábyrgðaraðili: Strandabyggð.

Stutt verkefnalýsing: Uppbygging, merking og kortlagning gönguleiða á og við Hólmavík. 

Helstu verkþættir:

• Uppbygging gönguleiða
• Merking gönguleiða
• Kortlagning gönguleiða
• Upplýsingaskilti um helstu göngu- og hjólaleiðir í sveitarfélaginu

Markmið verkefnsins:

• Öryggi
• Náttúruvernd
• Bætt aðstaða
• Bætt upplifun ferðamanna

Umsjónaraðili/ábyrgðaraðili: Strandabyggð

Stutt verkefnalýsing: Miðlun þjóðsagna og galdrasögu á Ströndum og ferðaþjónusta sem á sögulegum stöðum. 

Helstu verkþættir: Uppbygging, hönnun, kortlagning galdraslóðar sem nær allar Strandirnar, milli sveitarfélaga. Tengist t.d. Galdrasafninu og Kotbýli kuklarans ásamt mögulega fleirum. Samþættir listir, menningu og sögu og skapar þannig ný tækifæri í ferðaþjónustu. 

Markmið verkefnisins:

• Heilsársferðaþjónusta
• Bætt upplifun ferðamanna
• Þjónustunet Vestfjarðaleiðarinnar
• Annað

Umsjónaraðili/ábyrgðaraðili: Strandabyggð og ferðaþjónar á svæðinu. 

Stutt verkefnalýsing: Náttúruperla með möguleika á leiðsögn og fræðslu ásamt öruggu aðgengi að jöklinum.

Helstu verkþættir:

• Hönnun gönguleiða
• Framkvæmd hönnunar
• Merking gönguleiðar
• Upplýsingaskilti áfangastaðar
• Útbúa viðbragðsáætlun til að stuðla að öryggi ferðamanna
• Möguleg uppbygging á aðstöðu

Markmið verkefnisins:

• Öryggi
• Bætt aðstaða
• Bætt upplifun ferðamanna

Umsjónaraðili/ábyrgðaraðili: Strandabyggð og ferðaaðilar ásamt félagasamtökum á svæðinu

Stutt verkefnalýsing: Að koma upp aðgengilegri upplýsingamiðstöð við höfnina sem veitir ferðamönnum helstu upplýsingar um Strandabyggð, þjónustu á svæðinu, náttúruperlur og afþreyingu.