Ísafjörður Íbizafjörður

Ísafjörður í Skutulsfirði er forn verslunarstaður, höfuðstaður Vestfjarða og tilheyrir nú hinu sameinaða sveitarfélagi Ísafjarðarbæ. Þrátt fyrir smæð sína hefur Ísafjörður yfir sér ákveðinn stórborgarbrag, enda er þjónustustigið hátt, menningarlífið ríkt og mannlífið fjölbreytt.

Ísafjörður hefur ótal margt að bjóða ferðafólki. Náttúran í kringum bæinn er einstök og þar má finna fjölmargar frábærar göngu- og hjólaleiðir við allra hæfi og ekki er verra að líða um kyrran hafflötinn á kajak. Í Tungudal er golfvöllur og fyrir þá sem leggja leið sína til Ísafjarðar að vetri er rétt að benda á skíðasvæðin í Tungudal og á Seljalandsdal. Sundhöllin á Ísafirði er gömul en vinaleg innilaug með heitum potti og gufubaði. Frá Ísafirði eru reglulegar áætlunarferðir báta yfir í Hornstrandafriðlandið, til eyjarinnar Vigur og víðar. Snæfjallaströnd tilheyrir einnig Ísafjarðarbæ en þar er rekin eina ferðaþjónustan við norðanvert Djúp, í Dalbæ og þar er Snjáfjallasetur með sögusýningar.

Byggðasafnið í Neðstakaupstað, í húsum einokunarverslunarinnar frá 18. öld, þykir eitt af skemmtilegustu söfnum landsins en þar er einnig til húsa Harmonikusafn Ásgeirs Sigurðssonar. Í Gamla sjúkrahúsinu á Eyrartúni er bókasafn, skjalasafn, ljósmyndasafn og metnaðarfullt listasafn. Ganga um gamla bæinn er líka á við bestu heimsókn á safn, ekki síst ef hið ágæta húsakort er með í för. Þá eru reglulega settar upp listasýningar í Gallerý Úthverfu og í Edinborgarhúsinu.

Á hverju ári fara fram metnaðarfullar menningarhátíðir á Ísafirði. Þar ber hæst sjálf rokkhátíð alþýðunnar, Aldrei fór ég suður, sem haldin er um hverja páska. Unnendur íþrótta og útivistar fá líka sitt á Skíðavikunni, Fossavatnsgöngunni og Hlaupahátíð á Vestfjörðum sem fram fer á Ísafirði, Bolungarvík og í Dýrafirði.

Saga Ísafjarðar:

Nafnið Ísafjörður átti forðum við um allt Ísafjarðardjúpið en festist síðan við eyrina í Skutulsfirði sem var helsti verslunarstaðurinn á þessu svæði. Innst í Ísafjarðardjúpi er hins vegar fjörður sem ber nafnið Ísafjörður og veldur þetta gjarnan nokkrum heilabrotum hjá erlendu ferðafólki.

Á Eyri í Skutulsfirði - Ísafirði - hefur verið stunduð verslun öldum saman en strax á 16. öld komu kaupmenn frá Hamborg sér upp aðstöðu á eyrinni. Með tilkomu dönsku einokunarverslunarinnar var eyrin svo fest enn frekar í sessi sem miðstöð fiskveiða og verslunar.

Eftir að einokuninni var aflétt störfuðu mörg gróskumikil útgerðar- og verslunarfélög á Ísafirði. Þeirra þekktast er án efa Ásgeirsverslun sem var langöflugasta einkafyrirtæki landsins á sínum tíma. Fyrirtækið var með umsvifamikla útgerð, keypti fyrstu gufuskip sem Íslendingar eignuðust, hélt uppi farþega- og vörusiglingum um Ísafjarðardjúp og sigldi með afurðir sínar beint frá Ísafirði til markaðslandanna við Miðjarðarhaf. Ásgeirsverslun stóð fyrir ýmsum öðrum nýjungum svo sem fyrsta talsíma á milli húsa á Íslandi.

Saltfiskur varð verðmætasta útflutningsafurð Íslendinga á 19. öld og vinnsla hans varð undirstaða atvinnulífs á Ísafirði. Um aldamótin 1900 var Ísafjörður næst stærsti bær landsins og í fararbroddi í mörgu er sneri að útgerð og sjávarútvegi. Til Ísafjarðar má m.a. rekja upphaf vélvæðingar fiskiskipaflotans sem og upphaf rækjuveiða við Ísland.

Samhliða atvinnulífinu blómstraði einnig menningin í bænum. Tónlistin á sér þar ríka hefð og var Tónlistarskóli Ísafjarðar fyrsti tónlistarskóli landsins. Bókasafn var stofnað þegar árið 1889 og um tíma áttu Ísfirðingar eitt allra glæsilegasta leikhús landsins, Templarahúsið, sem brann árið 1930.

Com_236_1___Selected.jpg
Ísafjörður
GPS punktar N66° 4' 21.690" W23° 7' 9.675"
Póstnúmer

400

Ísafjörður - ferðaupplýsingar

Úr gagnagrunni Ferðamálastofu Íslands

Aðrir

Edinborg Menningarmiðstöð
Sýningar
  • Aðalstræti 7
  • 400 Ísafjörður
  • 456-5444
Gamla sjúkrahúsið - Safnahúsið
Söfn
  • Eyrartún
  • 400 Ísafjörður
  • 450-8220
Vestfjarðaleið ehf.
Dagsferðir
  • Sundstræti 39
  • 400 Ísafjörður
  • 893-8355
BS-Tours
Leigubílar
  • Hjarðardalur
  • 400 Ísafjörður
  • 778-5080
Þríþraut KRS
  • Austurvegur 2
  • 400 Ísafjörður
  • 845-3191
Fosshestar
Dagsferðir
  • Kirkjuból
  • 400 Ísafjörður
  • 862-5669
Eagle Tours
Ferðasali dagsferða
  • Urðarvegur 80
  • 400 Ísafjörður
  • 858-4530
Gallerí Úthverfa / Outvert Art Space
Sýningar
  • Aðalstræti 22
  • 400 Ísafjörður
  • 868-1845
Golfklúbbur Ísafjarðar
Golfvellir
  • Tungudalsvöllur
  • 400 Ísafjörður
  • 456-5081
Hlaupahátíð á Vestfjörðum
  • Daltunga 1
  • 400 Ísafjörður
  • 894-4208
Sjóferðir Hafsteins og Kiddýjar
Ferjur
  • Hjallavegur 7
  • 400 Ísafjörður
  • 456-5111

Aðrir

Gistiheimilið Koddinn
Gistiheimili
  • Hrannargata 2
  • 400 Ísafjörður
  • 456-5555
Gistiheimilið Mánagötu 1
Gistiheimili
  • Mánagata 1
  • 400 Ísafjörður
  • 456-4111
Budget Apartment with ocean view
Íbúðir
  • Sólgata 8
  • 400 Ísafjörður
  • 862-5669
Private house with garden
Gistiheimili
  • Tangagata 10a
  • 400 Ísafjörður
  • 862-5669
Sólheimar Studio Apartments
Heimagisting
  • Engjavegur 9
  • 400 Ísafjörður
  • 891-7731
Mánagisting
Gistiheimili
  • Mánagata 4
  • 400 Ísafjörður
  • 6152014
Comfortable Bungalow
Gistiheimili
  • Silfurgata 12
  • 400 Ísafjörður
  • 862-5669

Aðrir

Tjöruhúsið
Veitingahús
  • Neðstikaupstaður
  • 400 Ísafjörður
  • 456-4419
Hamraborg
Veitingahús
  • Hafnarstræti 7
  • 400 Ísafjörður
  • 4563166
Bakarinn
Kaffihús
  • Hafnarstræti 14
  • 400 Ísafjörður
  • 456-4771
Gamla Bakariið
Kaffihús
  • Aðalstræti 24
  • 400 Ísafjörður
  • 456-3226
Heimabyggð Kaffihús
Veitingahús
  • Aðalstræti 22b
  • 400 Ísafjörður
  • 6974833
Mamma Nína Pizzeria
Veitingahús
  • Austurvegur 1
  • 400 Ísafjörður
  • 4564454
Húsið Kaffihús
Kaffihús
  • Hrannargata 2
  • 400 Ísafjörður
  • 4565555
Náttúra
Tungudalur

Bærinn Ísafjörður er staðsettur í Skutulsfirði við Ísafjarðardjúp og inn af Skutulsfirði liggja dalirnir Engidalur til vinstri og Tungudalur til hægri. Í gegnum Tungudal rennur áin Buná og í botni dalsins er fallegur foss. Dalurinn er sannkölluð miðstöð útivistar og ævintýra þar sem þar er að finna golfvöll, strandblakvöll, skíðasvæði, margar gönguleiðir og frábært tjaldsvæði. Í botni Tungudals er falleg sumarhúsabyggð og fyrir innan hana Tunguskógur.

Leita
Finnur þú það ekki? Prófaðu leitina :)
Sjá lista Sjá kort

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Upplýsingamiðstöð Vestfjarða
  • Árnagata 2-4
  • 400 Ísafjörður
  • +354-450-8060
  • travel(at)westfjords.is