Ísafjörður Íbizafjörður

Nafnið Ísafjörður átti forðum við um allt Ísafjarðardjúpið en festist síðan við eyrina í Skutulsfirði sem var helsti verslunarstaðurinn á þessu svæði. Innst í Ísafjarðardjúpi er hins vegar fjörður sem ber nafnið Ísafjörður og veldur þetta gjarnan nokkrum heilabrotum hjá erlendu ferðafólki.

Eyri í Skutulsfirði - Ísafjörður - er forn verslunarstaður, höfuðstaður Vestfjarða og tilheyrir nú hinu sameinaða sveitarfélagi Ísafjarðarbæ. Þar hefur verið stunduð verslun öldum saman en strax á 16. öld komu kaupmenn frá Hamborg sér upp aðstöðu á eyrinni. Með tilkomu dönsku einokunarverslunarinnar var eyrin svo fest enn frekar í sessi sem miðstöð fiskveiða og verslunar.

Eftir að einokuninni var aflétt störfuðu mörg gróskumikil útgerðar- og verslunarfélög á Ísafirði. Þeirra þekktast er án efa Ásgeirsverslunsem var lang öflugasta einkafyrirtæki landsins á sínum tíma. Fyrirtækið var með umsvifamikla útgerð, keypti fyrstu gufuskip sem Íslendingar eignuðust, hélt uppi farþega- og vörusiglingum um Ísafjarðardjúp og sigldi með afurðir sínar beint frá Ísafirði til markaðslandanna við Miðjarðarhaf. Ásgeirsverslun stóð fyrir ýmsum öðrum nýjungum svo sem fyrsta talsíma á milli húsa á Íslandi.

Saltfiskur varð verðmætasta útflutningsafurð Íslendinga á 19. öld og vinnsla hans varð undistaða atvinnulífs á Ísafirði. Um aldamótin 1900 var Ísafjörður næst stærsti bær landsins og í fararbroddi í mörgu er sneri að útgerð og sjávarútvegi. Til Ísafjarðar má m.a. rekja upphaf vélvæðingar fiskiskipaflotans sem og upphaf rækjuveiða við Ísland.
Samhliða atvinnulífinu blómstraði einnig menningin í bænum. Tónlistin á sér þar ríka hefð og var Tónlistarskóli Ísafjarðar fyrsti tónlistarskóli landsins. Bókasafn var stofnað þegar árið 1889 og um tíma áttu Ísfirðingar eitt allra glæsilegasta leikhús landsins, Templarahúsið, sem brann árið 1930.
Ísafjörður hefur ótal margt að bjóða ferðafólki. Sjóminjasafnið í Neðstakaupstað, í húsum einokunarverslunarinnar frá 18. öld, þykir eitt af skemmtilegustu söfnum landsins en þar er einnig til húsa Harmonikusafn Ásgeirs Sigurðssonar. Í Gamla sjúkrahúsinu á Eyrartúni er bókasafn, skjalasafn, ljósmyndasafn og metnaðarfullt listasafn. Ganga um gamla bæinn er líka á við bestu heimsókn á safn ekki síst ef hið ágæta húsakort er með í för.

Náttúran í kringum Ísafjörð er einstök og býður upp á fjölmargar frábærar gönguleiðir við allra hæfi og ekki er verra að líða um kyrran hafflötinn á kajak. Í Tungudal er golfvöllur og fyrir þá sem leggja leið sína til Ísafjarðar að vetri er rétt að benda á skíðasvæðin í Tungudal og á Seljalandsdal. Sundhöllin á Ísafirði er gömul en vinaleg innilaug með heitum potti og gufubaði. Frá Ísafirði eru reglulegar áætlunarferðir báta yfir í Hornstrandafriðlandið, til eyjarinnar Vigur og víðar. Snæfjallaströnd tilheyrir einnig Ísafjarðarbæ en þar er rekin eina ferðaþjónustan við norðanvert Djúp, í Dalbæ og þar er Snjáfjallasetur með sögusýningar.

Á hverju ári fara fram metnaðarfullar menningarhátíðir á Ísafirði. Þar ber hæst klassísku tónlistarhátíðina Við Djúpið, leiklistarhátíðina Act Alone og sjálfa rokkhátíð alþýðunnar, Aldrei fór ég suður. Unnendur íþrótta og útivistar fá líka sitt á Skíðavikunni, Fossavatnsgöngunni og Mýrarboltanum ásamt Hlaupahátíð á Vestfjörðum sem fram fer á Ísafirði, Bolungarvík og í Dýrafirði.

Com_236_1___Selected.jpg
Ísafjörður
GPS punktar N66° 4' 29.962" W23° 7' 31.437"
Póstnúmer

400

Fólksfjöldi

2527

Ísafjörður - ferðaupplýsingar

Úr gagnagrunni Ferðamálastofu Íslands

Aðrir

Sjóferðir H & K ehf.
Ferðaskipuleggjendur
  • Hjallavegur 7
  • 400 Ísafjörður
  • 892-1879
Golfklúbbur Ísafjarðar
Golfvellir
  • Tungudalsvöllur
  • 400 Ísafjörður
  • 456-5081
Gamla sjúkrahúsið - Safnahúsið
Söfn
  • Eyrartún
  • 400 Ísafjörður
  • 450-8220
Ljósmyndasafnið Ísafirði
Söfn
  • Eyrartún
  • 400 Ísafjörður
  • 450-8224, 895-7138
Björgvin Sveinsson
Ferðaskipuleggjendur
  • Hjarðardalur
  • 400 Ísafjörður
  • 778-5080
ISlandfrauen, Helga Ingeborg Hausner
Ferðaskipuleggjendur
  • Seljalandsvegur 85
  • 400 Ísafjörður
  • 456-2095
Sjósportmiðstöð Íslands ehf.
Ferðaskipuleggjendur
  • Suðurtangi 2
  • 400 Ísafjörður
  • 895-5518
Fosshestar
Ferðaskipuleggjendur
  • Kirkjuból
  • 400 Ísafjörður
  • 862-5669
Edinborg Menningarmiðstöð
Sýningar
  • Aðalstræti 7
  • 400 Ísafjörður
  • 456-5444
Engjavegur ehf.
Ferðaskipuleggjendur
  • Aðalstræti v Mjósund
  • 400 Ísafjörður
  • 899-4091
Sophus Magnússon
Ferðaskipuleggjendur
  • 893-8355
Þríþraut Vasa2000
  • Hlíðarvegur 20
  • 400 Ísafjörður
  • 862-3291
Hlaupahátíð á Vestfjörðum
  • Daltunga 1
  • 400 Ísafjörður
  • 894-4208

Aðrir

RH Íbúðir
Íbúðir
  • Túngata 5
  • 400 Ísafjörður
  • 892-2118
Litla gistihúsið
Gistiheimili
  • Sundstræti 43
  • 400 Ísafjörður
  • 893-6993
Gistiheimilið Mánagötu 1
Gistiheimili
  • Mánagata 1
  • 400 Ísafjörður
  • 897-4146
Comfortable Bungalow
Gistiheimili
  • Silfurgata 12
  • 400 Ísafjörður
  • 862-5669
Miðtún - heimagisting
Heimagisting
  • Miðtún 16
  • 400 Ísafjörður
  • 456-3139, 892-3139
Budget Apartment with ocean view
Íbúðir
  • Sólgata 8
  • 400 Ísafjörður
  • 862-5669
Sólheimar Studio Apartments
Heimagisting
  • Engjavegur 9
  • 400 Ísafjörður
  • 891-7731
Gistiheimilið Koddinn
Gistiheimili
  • Hrannargata 2
  • 400 Ísafjörður
  • 859-7855
Private house with garden
Gistiheimili
  • Tangagata 10a
  • 400 Ísafjörður
  • 862-5669

Aðrir

Hamraborg
Veitingahús
  • Hafnarstræti 7
  • 400 Ísafjörður
  • 456-3166
Húsið Kaffihús
Kaffihús
  • Hrannargata 2
  • 400 Ísafjörður
  • 456-5555
Thai-Koon
Veitingahús
  • Hafnarstræti 9
  • 400 Ísafjörður
  • 456-0123
Krílið
  • Sindragata 6
  • 400 Ísafjörður
  • 456-3556
Bakarinn
Kaffihús
  • Hafnarstræti 14
  • 400 Ísafjörður
  • 456-4771
Gamla Bakariið
Kaffihús
  • Aðalstræti 24
  • 400 Ísafjörður
  • 456-3226
Hitt og þetta
Hvernig á að komast hingað

Hvernig á ég að komast til Ísafjarðar?

Þú getur komist til Ísafjarðar með því að keyra, fljúga eða að taka strætó. Flugfélag Íslands flýgur tvisvar á dag til Ísafjarðar frá Reykjavík allt árið. Rútuferðir eru 2-7 sinnum í viku og fer það eftir árstíðum hversu oft er farið. Þegar þú ert kominn til Ísafjarðar þá býður Ísafjarðarbær upp á almenningssamgöngur. Þá getur þú líka leigt hjól, tekið leigubíla eða leigt þér bílaleigubíl til þess að komast á milli staða.
Með bíl:
Leiðin til Ísafjarðar er 455 kílómetrar. Að vetri til skaltu gera ráð fyrir því að leiðin taki ekki minna er sex klukkutíma í akstur. Þegar ferast er milli landshluta að vetri til, þá er næstum skilyrði að vera á góðum dekkjum og enn betra að vera á fjórhjóladrifnum bíl.
Stysta leiðin til Ísafjarðar frá Reykjavík er að fylgja þjóðvegi 1 framhjá Bifröst en beygja svo til vinstri áleiðis að Búðardal. Þeirri leið er haldið allt þar til komið er yfir Gilsfjarðarbrúna og inn á Vestfirði. Þar er beygt til hægri, áleiðis til Hólmavíkur og Ísafjarðar. Þessi leið er styst, öruggust og yfirleitt fær nema í verstu veðrum. Endilega skoðið www.vegagerdin.is til þess að fylgjast með ástand vega að vetrartíma. Einnig er hægt að hringja í upplýsingasíma Vegagerðarinnar 1777 þar sem veður og aðstæður á vegum eru uppfærð. Munið að skjótt skipast veður í lofti og verið því sífellt á varðbergi gangnvart því.
Það er ekki hægt að keyra Vestfjarðahringinn á vetrartíma þar sem þar eru nokkrar heiðar sem lokast yfir vetrartímann. GPS tæki eiga það til að gleyma þessu.

Með flugi:
Flugfélag Íslands flýgur tvær ferðir á dag á milli Reykjavíkur og Ísafjarðar. Frekari upplýsingar er að finna á www.flugfelag.is

Með strætó:

Hægt er að komast til Ísafjarðar frá bæði Akureyri og Reykjavík yfir sumarmánuðina. Til þess að fá betri upplýsingar endilega skoðið hér

Almenningssamgöngur á Ísafirði:
Ísafjarðarbær rekur sínar eigin almenningssamgöngur sem tengir saman Ísafjörð, Suðureyri, Flateyri og Þingeyri.

Einnig eru almenningssamgöngur til Bolungarvíkur. Hægt er að nálgast tímaftöflur hér.

Bílaleigur:
Hertz sími: 863-9023
Europe Car sími: 840-6074

Avis/Budget sími: 660-0617

Ætlast er til þess að fólk bóki fyrirfram.

Leigubílar:
til þess að bóka leigubíl þá skal hringja í 456-3518. Fólk er beðið um að bóka með fyrirvara.

Hjólaleiga:
Ferðaskrifstofan Vesturferðir, Aðalstræti 7, Ísafirði býður upp á reiðhjólaleigu. Vesturferðir eru til húsa í sama húsi og Upplýsingamiðstöð ferðamanna á Ísafirði. hafa má samband við Vesturferðir og bóka fyrirfram á tölvupóstfangið: vesturferdir@vesturferdir.is

Ef þig vantar hjálp við að komast til Ísafjarðar eða til Vestfjarða þá mátt þú hafa samband við Upplýsingamiðstöð ferðamanna á Ísafirði í gegnum tölvupóstfangið info@westfjords.is eða í síma: 450-8060.

Fyrir börnin
Sundlaugar

Sundlaugarnar Í ísafjarðarbæ eru staðsettar í nærri öllum byggðarkjörnum.

Sundhöllin á Ísafirði
Virkir dagar 10.00 - 21.00
Helgar 10.00 - 17.00
Sundlaugin á Flateyri
Virkir dagar 10.00 - 20.00
Helgar 11.00 - 17.00
Sundlaugin á Suðureyri
Virkir dagar 11.00 - 19.00
Helgar 11.00 - 19.00
Sundlaugin á Þingeyri
Virkir dagar 08.00 - 21.00
Helgar

10.00 - 18.00

Leita
Finnur þú það ekki? Prófaðu leitina :)
Sjá lista Sjá kort

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is