Leita
Finnur þú það ekki? Prófaðu leitina :)

Einarshúsið

Einarshúsið Guesthouse er staðsett á Bolungarvík, innan um fjöllin á hinum villtu Vestfjörðum, í byggingu frá byrjun 20. aldar. Gistihúsið er með hefðbundnar innréttingar í sveitastíl og státar af ókeypis Wi-Fi Interneti.

Einarshúsid Guesthouse býður upp á herbergi með útsýni annaðhvort í átt að dramatískum fjöllum eða yfir Ísafjarðardjúp. Hvert herbergi er með setusvæði og kyndingu og baðherbergisaðstaðan er sameiginleg.

Gistihúsið er með útiverönd þar sem hægt er að snæða morgunverð og hádegisverð á löngum sumardögum.

Innisundlaug og heitur pottur utandyra eru í 2 mínútna göngufjarlægð frá gististaðnum, náttúrurannsóknarmiðstöð er í 5 mínútna göngufjarlægð og bátsferðir á Hornstrandir eru í boði frá höfninni.

Hægt er að útvega akstur frá Ísafjarðarflugvelli en Ísafjarðarbær er í aðeins 13 km fjarlægð frá Bolungarvík.

Herbergi: 6.

4635_1___Selected.jpg
Einarshúsið

Hafnargötu 41

GPS punktar N66° 9' 25.837" W23° 14' 54.862"
Sími

6902303

Gisting 5 Herbergi / 10 Rúm
Opnunartími Allt árið

Einarshúsið - ferðaupplýsingar

Úr gagnagrunni Ferðamálastofu Íslands

Aðrir

Golfklúbbur Bolungarvíkur
Golfvellir
  • Syðridal
  • 415 Bolungarvík
  • 456-7072
Sjósportmiðstöð Íslands ehf.
Ferðaskipuleggjendur
  • Suðurtangi 2
  • 400 Ísafjörður
  • 895-5518
Shell - Þjónustustöð
Stangveiði
  • Þuríðarbraut 13
  • 415 Bolungarvík
  • 456-7554, 456-7284
Hlaupahátíð á Vestfjörðum
  • Daltunga 1
  • 400 Ísafjörður
  • 894-4208
Sjóferðir H & K ehf.
Ferðaskipuleggjendur
  • Hjallavegur 7
  • 400 Ísafjörður
  • 892-1879
Sigurður Bjarni Hjartarson
Ferðaskipuleggjendur
  • Miðstræti 14
  • 415 Bolungarvík
  • 892-3652
Þríþraut Vasa2000
  • Hlíðarvegur 20
  • 400 Ísafjörður
  • 862-3291
Fosshestar
Ferðaskipuleggjendur
  • Kirkjuból
  • 400 Ísafjörður
  • 862-5669
vaXon.is - Ferðaþjónusta Bolungarvíkur
Hótel
  • Aðalstræti 9
  • 415 Bolungarvík
  • 862-2221
ISlandfrauen, Helga Ingeborg Hausner
Ferðaskipuleggjendur
  • Seljalandsvegur 85
  • 400 Ísafjörður
  • 456-2095
Golfklúbbur Ísafjarðar
Golfvellir
  • Tungudalsvöllur
  • 400 Ísafjörður
  • 456-5081
Náttúra
8.94 km
Bolafjall

Bolafjall er frábær útsýnisstaður fyrir ofan Bolungarvík og segja má að fjallið sé einn helsti viðkomustaður ferðamanna á norðanverðum Vestfjörðum. Frá fjallinu er stórbrotið útsýni að Hornstrandafriðlandinu, Jökulfjörðum, Ísafjarðardjúpi og sumir segja alla leið til Grænlands. Sólsetrið er einnig sérstaklega fallegt frá Bolafjalli. Vegurinn upp á fjallið er eingöngu opinn yfir sumarmánuðina en hann var byggður fyrir Radarstöðina sem staðsett er á fjallinu. Stöðin var byggð af ameríska hernum á áttunda áratugnum en er núna rekin af íslensku Landhegigæslunni. Áður en farið er upp á Bolafjall, eða jafnvel eftir, þá mælum við með því að ferðamenn kíki við í Skálavík

Vegurinn upp á fjallið er opnaður þegar aðstæður þykja vera orðnar góðar og lokað þegar snjóa tekur að hausti. Venjulega þá er vegurinn opinn frá miðjum júní til miðs septembermánaðar.

Náttúra
11.96 km
Skálavík

Skálavík er næsta vík vestan við Bolungarvík en þar var byggð allt til fimmta áratugar síðustu aldar. Núna er sumarbústaðaland í víkinni og oft mikið fjör. Á góðum sumardögum þá safnast fullt af fólki saman á stöndinni og ef vel er heitt þá er stundum hoppað í Hylinn í Langá. Skálavík er paradís fyrir börn og algjörlega upplagt að stoppa þar og leika. Á leiðinni til baka er fullkomið tækifæri að kíkja upp á Bolafjall og kíkja aðeins á útsýnið.

Náttúra
24.58 km
Arnarnes

Arnarnes er staðsett yst í Skutulsfirði áleiðis að Súðavík. Arnardalur er dalur sem gengur inn í hlíðina samhliða kirkjubólshlíð. Yst á Arnarnesi er Arnarnesviti og Arnarneshamar gengur þverhnípt í sjó fram. Sprengd voru göng í hamarinn árið 1937 en þau hafa verið breikkuð oftar en einu sinni. Sólsetrið sést vel frá Arnarnesi og er svæðið mjög vinsæll ferðamannastaður á góðum sólríkum sumarkvöldum.

Saga og menning
2.77 km
Ósvör

Safnið samanstendur af tvöfaldri 19. aldar verbúð, salthúsi, fiskreit og þurrkhjalli. Á meðal sýningagripa er áraskipið Ölver sem gefur góða mynd af þeim skipum sem notuð voru til fiskveiða fyrr á öldum. Safnið gefur raunhæfa mynd af aðbúnaði vertíðarfólks og þeim búnaði sem notaður var til fiskvinnslu á vetrarvertíð á 19. öld. Safnvörðurinn tekur á móti gestum, íklæddur skinnklæðum, samskonar þeim sem notuð voru við sjósókn í Bolungarvík og lýsir því sem fyrir augu ber. Safnið stendur við Óshlíðaveg austast í víkinni.

Sími : 892-5744, 892-1616, 456-7505.
osvor@nave.is
www.osvor.is
Opnunartími:
15. maí ? 14. júní: 10-17.
15 júní ? 30 ágúst: 9-18.
1. September - 30 september 10 ? 15.
Aðra tíma ársins eftir samkomulagi.


Náttúra
4.87 km
Reiðhjalli

Reiðhjalli er staðsettur fyrir botni Syðridals í Bolungarvík. Í dalbotninum er virkjun frá Orkubúi Vestfjarða og ef áfram er haldið upp vegslóðann frá virkjuninni þá er komið að virkjunarlóninu. Útsýnið frá lóninu er fallegt og alveg göngunnar virði. Sem viðbót við göngutúrinn þá er hægt að kíkja fram af fjallsbrúninni niður í Súgandafjörð eða rölta niður Hnífsdalinn áleiðis að Hnífsdal.

Náttúra
4.87 km
Surtarbrandsnáma

Í Syðridal, inn af Bolungarvík, er staðsett gömul surtarbrandsnáma. Surtarbrandur var numinn úr námunni á árunum 1917-1921, eða um og fram yfir fyrri heimstyrjöld. Ástæðan fyrir því að hætt var að vinna surtarbrand í námunni er vegna þess hversu ósamkeppnishæfur surtarbrandur er gagnvart brún- eða steinkolum sem tiltölulega auðvelt var að nálgast frá Evrópu eftir stríð. Surtarbrandurinn inniheldur um 60% kolefni en brún og steinkol á milli 70 og 80%. Námurnar í syðridal eru í raun tvær, Gilsnáma og Hanhólsnáma og eru þær eru sitt hvoru megin Gilsár. Gilsnáma, sem oft er talað um sem hina eiginlegu surtarbrandsnámu er rúmlega hundrað metra langur hellir þar sem enn má sjá tæki og tól sem notuð voru við námuvinnsluna. Hanhólsnáman hinsvegar er handan árinnar og stikla þarf yfir ána til þess að komast að henni. Hún er mun styttri eða um 5-10 metra löng og surtarbrandurinn auðséður. Opið inn í Gilsnámuna er mjög þröngt, en um leið og komið er inn er mikil lofthæð og vel hægt að standa uppréttur. Gangan upp að námunni tekur um 20-25 mínútur eftir stikaðri gönguleið og vel þess virði að kíkja á hana.

Náttúra
2.59 km
Þuríðarsteinn

Á kvennaárinu 1975 var sett upp minningartafla um landnám Þuríðar Sundafyllis á stóran stein sem nefnist Þuríðarsteinn. Steinninn er staðsettur í Vatnsnesi en þar er talið að bær Þuríðar Sundayllis hafi staðið.

Náttúra
8.96 km
Skarfasker

Skarfasker er útsýnisstaður á leið út á Óshlíð og tilvalinn staður til þess að leggja bílnum og ganga eða hjóla Óshlíðina. Á Skarfaskeri stóð lengi sorpbrennslustöð en á grunni hennar er búið a útbúa útsýnisstað með skiltum.

Náttúra
24.11 km
Arnardalur

Arnardalur er í utanverðum Skutulsfirði, í um 10 mínútna fjarlægð frá Ísafirði. Þar hafa fjárhús og hlaða öðlast algjörlega nýtt hlutverk eftir miklar endurbætur. Fjárhúsið hefur verið klætt og innréttað og er nú hægt að halda þar fundi, ráðstefnur, móttökur og veislur fyrir allt að 70 manns. Internettenging, skjávarpi og hljóðkerfi eru í boði í þessu nýtísku fjárhúsi svo fundargesti ætti ekki að vanhaga um neitt. Hægt er að kaupa ýmis konar veitingar fyrir hópa. Djúpur dalur liggur inn af Heimabæ en í göngufæri til austurs er Arnarnes þar sem í boði er magnað útsýni yfir Ísafjarðardjúp og blóðrautt sólarlag sem óvíða þykir fegurra en á nesinu. Hægt er að panta skemmtilega afþreyingu og sjá húsráðendur um að skipuleggja ratleiki og/eða aðra samkvæmisleiki ef svo ber undir.

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is