Leita
Finnur þú það ekki? Prófaðu leitina :)

Skálavík

skalavik.jpg
Skálavík

Skálavík er næsta vík vestan við Bolungarvík og tilheyrir sveitarfélaginu Bolungravíkurkaupstað. Fólk bjó í skálavík allt til 6. áratugs síðustu aldar en nú eru þar heyjuð tún á sumrin. Fólk með tengingar til Skálavíkur hefur byggt upp myndarlegt hverfi sumarbústaða í víkinni og sífellt bætast fleiri hús við. Á góðum sumardögum safnast fólk saman í Skálavík og gerir eitthvað skemmtilegt með fjölskldunni. Þá er það ansi vinsælt að byggja sandkastala í fjörunni eða jafnvel að stökkva í hylinn í Langá sem liðast niður dalinn. Skálavík er paradís fyrir börn og því fullkomið stopp til þess að teygja úr sér eftir bílferðina. Á leiðinni til eða frá Skálavík er tilvalið að stoppa á Bolafjalli og njóta útsýnisins sem útsýnissvæðið þar hefur upp á að bjóða.

Skálavík

Skálavík er næsta vík vestan við Bolungarvík en þar var byggð allt til fimmta áratugar síðustu aldar. Núna er sumarbústaðaland í víkinni og oft mikið fjör. Á góðum sumardögum þá safnast fullt af fólki saman á stöndinni og ef vel er heitt þá er stundum hoppað í Hylinn í Langá. Skálavík er paradís fyrir börn og algjörlega upplagt að stoppa þar og leika. Á leiðinni til baka er fullkomið tækifæri að kíkja upp á Bolafjall og kíkja aðeins á útsýnið.

Bolafjall

Bolafjall er frábær útsýnisstaður fyrir ofan Bolungarvík og segja má að fjallið sé einn helsti viðkomustaður ferðamanna á norðanverðum Vestfjörðum. Frá fjallinu er stórbrotið útsýni að Hornstrandafriðlandinu, Jökulfjörðum, Ísafjarðardjúpi og sumir segja alla leið til Grænlands. Sólsetrið er einnig sérstaklega fallegt frá Bolafjalli. Vegurinn upp á fjallið er eingöngu opinn yfir sumarmánuðina en hann var byggður fyrir Radarstöðina sem staðsett er á fjallinu. Stöðin var byggð af ameríska hernum á áttunda áratugnum en er núna rekin af íslensku Landhegigæslunni. Áður en farið er upp á Bolafjall, eða jafnvel eftir, þá mælum við með því að ferðamenn kíki við í Skálavík

Vegurinn upp á fjallið er opnaður þegar aðstæður þykja vera orðnar góðar og lokað þegar snjóa tekur að hausti. Venjulega þá er vegurinn opinn frá miðjum júní til miðs septembermánaðar.

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is