Náttúra Hólmavík

20150804-dsc09723-001.jpg
Náttúra

Náttúran í Strandabyggð er skemmtileg og fjölbreytt. Fuglalíf er fjölbreytt því mikið er um fugla í fjörum, móum og mýrum. Svæðið einkennist af lágum fjöllum og meira undirlendi eftir því sem sunnar er komið í sveitarfélagið. Klettadrangar og jarðmyndanir eru víða en skemmtileg er einmitt að keyra strandirnar og sjá klettadrangana Karl og Kerlingu í Drangavík í Kollafjarðarnesi og rifja upp söguna um tröllin sem ætluðu sér að gera Vestfirðina að eyju. Þeim tókst ekki ætlunarverk sitt og döguðu uppi í Kollafjarðarnesi og á Drangsnesi. Það svæði sem tilheyrir Strandabyggð í Ísafjarðardjúpi er einnig nokkuð skemmtilegt. Þar fyrir finnst jarðhiti um allt og um að gera að skella sér í sund. 

Kálfanesborgir

Þegar gengið er upp á Kálfanesborgir er gengið frá tjaldsvæðinu upp að Háborgarvörðu. Frá vörðunni er útsýnið yfir Steingrímsfjörðinn stórfenglegt og tilvalið að stoppa þar til þess að taka myndir og jafnvel hvíla sig aðeins. Þegar gengið er niður er gengið í átt að sjónum þangað til komið er að gamla þjóðveginum. Hann leiðir ykkur inn í þorpið aftur.

Refir

Heimskautarefurinn er eina spendýrið á Íslandi sem hefur komið hingað til lands án hjálpar mannsins. Refurinn er friðaður á Hornströndum og er orðinn ansi gæfur sérstaklega á Hornströndum. Refasetrið í Súðavík er helgað refnum og má þar sjá yrðlinga í girðingu að sumri til.

Fuglaskoðun

Fuglaskoðun getur verið skemmtileg afþreying. Það er bæði hægt að fara í skipulagðar fuglaskoðunarferðir með leiðsögumanni en einnig er hægt að heimasækja staði eins og Reykhóla, Látrarbjarg eða Strandir og skoða fugla upp á eigin spýtur. 

Þiðriksvallavatn

Þegar keyrt er frá Hólmavík áleiðis að Reykjavík er afleggjari rétt sunnan við þorpið sem liggur að Þverárvirkjun. Ef beygt er upp þann afleggjara þá ert þú á leið upp að Þiðriksvallavatni sem er uppistöðulón Þverárvirkjunar. Frá virkjuninni má ganga hringinn í kringum vatnið eftir jeppaslóða og kindagötum. Vaða þarf litla á á gönguleiðinni, en leiðin er stikuð.

Kaldalón

Kaldalón er eini fjörðurinn í norðanverðu Ísafjarðardjúpi fyrir innan Jökulfirði. Fjörðurinn er um 5 km langur fjörður er liggur í átt að eina jökli Vestfjarða, Drangajökli. Inn af firðinum er nokkuð undirlendi með jökulöldum og ruðningi og talsverðum grasgróðri. Áin Mórilla fellur undan skriðjöklinum og smáfyllir fjörðinn með framburði. Bærinn Lónhóll er sagður hafa sópast brott í jökulhlaupi á 18. öld. Annars bæjar er getið í Kaldalóni, Trimbilsstaða, en engin merki hafa fundizt um hann. Gríðarlega náttúrufegurð er í Kaldalóni en héraðslæknirinn og tónskáldið Sigvaldi Kaldalóns tók hann sér vegna þess hve hrifinn hann var af fegurð náttúrunnar í Kaldalóni.


Tilvalið er að stoppa í firðinum og keyra afleggjarann áleiðis að jöklinum. Eftir að vegurinn endar þá tekur við um 3 klukkustunda ganga að jökulröndinni, meðfram Mórillu.

Gönguleiðir liggja frá Kaldalóni til Jökulfjarða og yfir Drangajökul til Hornstranda.


Leita
Finnur þú það ekki? Prófaðu leitina :)
Sjá lista Sjá kort

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is