Gönguleiðir Hólmavík

20150816-dsc01692-001.jpg
Gönguleiðir

Fjölmargar gönguleiðir eru í boði í nágrenni Hólmavíkur. Hér er í raun búið að taka saman gönguleiðir í nánasta nágrenni Hólmavíkur en fjölmargar aðrar leiðir eru í boði bæði auðveldar jafnt sem erfiðar. 

Við bendum ykkur eindregið á að hafa samband við upplýsingastofu Ferðamála á Hólmavík til þess að fá upplýsingar um gönguleiðir á svæðinu.

Einnig bendum við ykkur á að það er hægt að kaupa gönguleiðakort Ferðamálasamtaka Vestfjarða á öllum upplýsingamiðstöðvum ferðamála á Vestfjörðum. 

Kálfanesborgir

Þegar gengið er upp á Kálfanesborgir er gengið frá tjaldsvæðinu upp að Háborgarvörðu. Frá vörðunni er útsýnið yfir Steingrímsfjörðinn stórfenglegt og tilvalið að stoppa þar til þess að taka myndir og jafnvel hvíla sig aðeins. Þegar gengið er niður er gengið í átt að sjónum þangað til komið er að gamla þjóðveginum. Hann leiðir ykkur inn í þorpið aftur.

Þiðriksvallavatn

Þegar keyrt er frá Hólmavík áleiðis að Reykjavík er afleggjari rétt sunnan við þorpið sem liggur að Þverárvirkjun. Ef beygt er upp þann afleggjara þá ert þú á leið upp að Þiðriksvallavatni sem er uppistöðulón Þverárvirkjunar. Frá virkjuninni má ganga hringinn í kringum vatnið eftir jeppaslóða og kindagötum. Vaða þarf litla á á gönguleiðinni, en leiðin er stikuð.

Leita
Finnur þú það ekki? Prófaðu leitina :)
Sjá lista Sjá kort

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is