Flýtilyklar
Páskar á Ísafirði
Það er mjög margt um að vera á Ísafirði og nágrenni um páskana, ber þar hvað hæst Rokkhátíð alþýðunnar Aldrei fór ég suður. Einnig er þétt dagskrá bæði á gönguskíðasvæði og svigskíðasvæði Ísfirðinga, en skíðavikan hefur verið haldin hátíðleg um páska í rúm 70 ár.
Við hvetjum gesti eindregið til að heimsækja nágranna bæi Ísafjarðar, þar sem ýmis skemmtun er í boði í tilefni páskanna allt frá Þingeyri yfir til Bolungarvíkur.
Veitingastaðir á Ísafirði og nágrenni
Á Ísafirði og í nágrenni má finna fjölda veitingarstaða. Það ættu allir að geta fundið eitthvað að sínu skapi, hvort sem það er gourmet kvöldverður eða kringla í bakaríinu.
Gisting á Ísafirði og nágrenni
Á Ísafirði og í nágrenni er í boði margskonar gistimöguleikar og ættu örugglega allir að geta fundið eitthvað við sitt hæfi. Viltu gista í miðbæ Ísafjarðar og vera sem næst skemmtanahaldinu, eða viltu gista í einhverjum af bæjunum í kring?
