The Factory listasýning : Undirheimar vatnsins

 

Ætlunin er að (endur)skapa The Factory, yfirgripsmikla listasýningu í hinu afskekkta þorpi Djúpavík. Með því að tengja saman horfinn sjávarútveg og samtímalist mun gamla síldarverksmiðjan í Djúpavík fá aðlaðandi og nútímalegri blæ og persónugerast í löngu liðnum tíma fólksins sem lifði þar og starfaði. Listaverkin vísa til rýmisins og skynjunar á umhverfinu í Djúpavík og á Íslandi í heild sinni og leitast við að skapa rými fyrir andstæður, fortíð og nútíð - stað til að anda og leyfa sér að vera til.

Undirheimar vatnsins

Vatnið í okkar skilningi: Hafið, fossinn, regndroparnir, vatnaniðurinn, rakinn, snjórinn. Það má finna allar þessar birtingamyndir vatns inní og í kringum gömlu síldarverskmiðjuna í Djúpavík. Það safnast fyrir í jarðveginum undir okkur, seytlar niður veggi og liggur ofan á þakinu. Ímyndaðu þér núna, sama vatnið undir hvaða yfirborði sem er, sama vatnið og er inní líkama þínum. Á ferðalagi sínu tekur vatnið stöðugum breytingum, það myndar nýjar samsetningar með aðra þýðingu. Efnisþættir vatns. Hvað hafa þeir að geyma? Hvert fara þeir í raun og veru?

Með þemanu vatn og haf, dregur sjöunda sýning The Factory að sér mennskar og ómennskar verur sem lifa bæði ofan og neðan sjávar. Listaverkin eru túlkuð á vatnskenndan og glitrandi hátt - umvafin þunglamalegri og myrkri steypu verksmiðjunarinnar.