Leita
Finnur þú það ekki? Prófaðu leitina :)
14. október kl. 20:00-22:00

Send í sveit: Súrt, saltað og heimabakað

Upplýsingar um verð

1.000.-

Senn koma út tvær bækur um siðinn að senda börn í sveit.

Önnur nefnist Send í sveit: Þetta var í þjóðarsálinni. Sú er safn fræðigreina um siðinn frá upphafi til okkar daga þar sem mannfræðingar, þjóðfræðingar, lýðheilsufræðingar, safnafræðingar, bókmenntafræðingar og félagsráðgjafar fjalla um sínar rannsóknir á siðnum með fjölbreyttum hætti.

Hin bókin nefnist Send í sveit: Súrt, saltað og heimabakað. Í henni birtast stuttar umfjallanir um ólík viðfangsefni tengd siðnum þar sem stuðst er við myndir, frásagnir einstaklinga, bókmenntatexta og fjölmiðlaumfjallanir.

Í báðum bókunum eru Strandir sérstaklega til umfjöllunar, þá einkum upplifanir bænda, húsfreyja og barna sem ólust upp á svæðinu af því að opna heimili sín fyrir börnum annarra fjórðung úr ári.

Þessa kvöldstund munu valdir höfundar flytja erindi byggð á sínum rannsóknum á efninu, kynna bækurnar og taka þátt í umræðum með gestum og gangandi.

Erindi kvöldins:

Eiríkur Valdimarsson: Sveitasamviska
Jónína Einarsdóttir: Send í sveit í þágu þjóðar.
Geir Gunnlaugsson: “Hvernig var í sveitinni”?
Esther Ösp Valdimarsdóttir: Hvað segja bændur þá?

Jón Jónsson frá Rannsóknarsetri HÍ á Ströndum stýrir umræðum og Sauðfjársetrið reiðir fram kvöldkaffi að sveitasið á litlar 1000 krónur fyrir þá sem þess óska.

Viðburðurinn er styrktur af Strandabyggð.

Aðgangur ókeypis og öll velkomin.

GPS punktar
N65° 38' 30.367" W21° 35' 0.295"
Staðsetning
Sauðfjársetur á Ströndum, Sævangur við Steingrímsfjörð
Sími

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is