Leita
Finnur þú það ekki? Prófaðu leitina :)
2. júlí kl. 21:00-23:00

Kristjana Stefáns og Svavar Knútur á Skrímslasetrinu

Upplýsingar um verð

4000 kr., frítt fyrir börn 14 ára og yngri
Úr drunga og doða sóttkvía og -kvíða rís söngur og gleði eins og fuglinn Fönix úr öskunni. Kristjana Stefáns og Svavar Knútur munu geysast um landið í júlí næstkomandi á sinni árlegu sumartónleikaferð undir yfirskriftinni: "Með Faðmlög í farteskinu"
 
Kristjana og Svavar Knútur munu á ferð sinni heimsækja alla helstu landsfjórðungana og bæta fyrir þyngsl vormánaðanna sem skriðu hjá í móki samkomubanns með húmor og hlýju, krúttlegum kvöldsöngvum, angurværum Abbalögum og sígildum söngperlum. Þá munu sagðar sögur, lesin ljóð og klassísk íslensk kvöldvökustemmning höfð í hávegum. Það verður stutt í hláturinn og líka í tárin, enda víða komið við í lystigarði mannlegrar tilvistar.
Kristjana og Svavar hafa síðan 2008 haft unun af því að syngja saman dúetta og komið fram víða um land við gríðargóðar undirtektir. Nú ferðast þau um landið þvert og endilangt með splunkunýja dúettaplötu í farteskinu, en hún ber nafnið "Faðmlög".
 
Tónleikarnir á Skrímslasetrinu á Bíldudal hefjast kl. 21.00.
Miðaverð er kr. 4.000 og frítt fyrir börn 14 ára og yngri.
 
MIKILVÆG TILKYNNING: Í ljósi breytinga sem hafa verið gerðar á samkomureglum munu verða aðeins fleiri miðar til sölu, en við munum að sjálfsögðu gera ráð fyrir því að fólk sem hefur áhyggjur af heilsu sinni fái andrúm á tónleikunum. Engir tónleikar munu nýta húsrými til fulls.
GPS punktar
N65° 41' 11.397" W23° 35' 49.091"
Staðsetning
The Icelandic Sea Monster Museum and Coffee shop, Dalbraut, Bíldudalur

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Upplýsingamiðstöð Vestfjarða
  • Árnagata 2-4
  • 400 Ísafjörður
  • +354-450-8060
  • travel(at)westfjords.is