Leita
Finnur þú það ekki? Prófaðu leitina :)
28.-29. ágúst

Blús milli fjalls og fjöru

Listamenn og hljómsveitir sem fram koma á Blús milli fjalls og fjöru í ár eru ekki af verri endanum.

Á föstudeginum 28. ágúst, verða tvö bönd, Beggi Smári og hljómsveit með Nick Jameson innanborðs. Nick er Tónlistamaður, leikari og uppistandari svo fátt eitt sé nefnt frá Missouri í Bandaríkjunum. Hann spilaði með Paul Butterfield bluesband, hitaði upp fyrir Muddy Waters, lék í mörgum kvikmyndum og sjónvarpsþáttum. Nick á eftir að skemmta okkur með frábærum gítarleik, söng og gríni ásamt Begga Smára og hljómsveit.

Sama kvöld verður Björn Thoroddsen og Unnur Birna Björnsdóttir ásamt meðspilurum sínum. Allir þekkja Bjössa, stoltann Patreksfirðing að eigin sögn. Það þarf ekki að fara mörgum orðum um hæfileika og feril Bjössa Thor, en Unnur Birna er söngkona með undurblíða rödd og fiðluleikari. Verða þau með blús og eitthvað fleira á efnisskrá sinni. Það verður forvitnilegt að hlusta og sjá hvernig blús hljómar á fiðlu Unnur Birna túraði með Jethro Tull á síðasta ári, sem segir töluvert um hæfileika hennar.

Seinni dagur blúshátíðar laugardagurinn 29. ágúst verður ekki síðri. Við erum stoltir af því að fá Bluestrío Eric Hanson frá Svíþjóð. Já við erum farnir að flytja inn listamenn til Patreksfjarðar. Þetta tríó er eitt vinsælasta blúsband Svía, það má sjá myndbönd á youtube sér til glöggvunar um bandið. Síðan stíga á svið stórkostlegt rock blues band sem er sett saman af Óskari Loga Ágústssyni gítarleikara The Vingent Caravan fyrir þetta kvöld. Meðal hljóðfæraleikara er Magnús Jóhann Ragnarsson hljómborðsleikari sem vakið hefur mikla athygli fyrir fimi sína á hljóðfærið. Það verður mikið stuð og stemning, grín og hlátur á blúshátíð í ár, eitthvað fyrir alla.

Blús milli fjalls og fjöru er haldið í Félagsheimilinu á Patreksfirði. 

GPS punktar
N65° 35' 29.882" W23° 58' 28.037"
Staðsetning
Blús milli fjalls og fjöru, Patreksfjörður
Sími

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Upplýsingamiðstöð Vestfjarða
  • Árnagata 2-4
  • 400 Ísafjörður
  • +354-450-8060
  • travel(at)westfjords.is