Flateyri Kyrrðin

Flateyri stendur við Önundarfjörð og tilheyrir sveitarfélaginu Ísafjarðarbæ. Þorpið byggðist upp í kringum sjósókn en á síðustu áratugum 19. aldar var þar umtalsverð þilskipaútgerð og mikil hákarlaveiði.
Árið 1889 reisti Norðmaðurinn Hans Ellefsen hvalveiðistöð á Sólbakka við Flateyri. Stöðin var hin stærsta sinnar tegundar við Norður-Atlantshaf og veitti fjölda manns atvinnu. Hún var starfrækt til ársins 1901 er hún brann til kaldra kola. Myndarlegur múrsteinsreykháfur skammt utan við þorpið er eins konar minnisvarði um þessa stöð. Reykháfurinn var reistur skömmu eftir brunann mikla sem fyrsti liður í endurbyggingu stöðvarinnar. Um frekari byggingaframkvæmdir var þó ekki að ræða því Ellefsen gerði eins og aðrir kollegar hans í hvalveiðunum, flutti stöð sína austur á land því þar var mikil veiði á sama tíma og hval var farið að fækka mjög hér vestra.
Flateyri tekur vel á móti gestum. Þegar ekið er inn í bæinn má sjá skipaflota á litlu lóni við veginn. Þar eru til sýnis líkön af allskyns skipum allt frá sjálfum Titanic til íslenskra aflaskipa. Síðan tekur við varnargarðurinn, gríðarmikið mannvirki sem reist var byggðinni til verndar eftir snjóflóðið mannskæða í október 1995. Hægt er að ganga upp á garðinn, njóta útsýnis yfir Önundarfjörðinn og átta sig á staðháttum með aðstoð útsýnisskífu.
Á Flateyri er boðið upp á rafræna leiðsögn þannig að fólk getur gengið um þorpið og notið leiðsagnar af ferðaspilara. Þar eru líka þrjú söfn hvert öðru skemmtilegra. Á því nýjasta, Dellusafninu, er vettvangur fyrir hvers kyns safnara og "dellufólk" til að sýna ýmis konar muni sem það hefur sankað að sér. Þar hefur m.a. mátt sjá lögregluhúfur úr ýmsum áttum, eldspýtustokka og sígarettupakka frá stríðsárunum, teskeiðar úr öllum heimshornum o.fl. Alþjóðlega brúðusafnið hefur að geyma þjóðbúningadúkkur víða að úr heiminum og í gömlu bókabúðinni, Verzlunin bræðurnir Eyjólfsson, er bæði safn og verslun. Þar er íbúð kaupmannsins varðveitt og gestum til sýnis en einnig er hægt að gera þar kjarakaup í notuðum bókum sem seldar eru eftir vigt, nú eða bara að fá sér brjóstsykur í kramarhúsi uppá gamla mátann.
Á góðviðrisdögum er hvíta ströndin handan fjarðarins paradís fyrir alla fjölskylduna en þar fer fram gríðar vinsæl sandkastalakeppni fyrsta laugardaginn í ágúst á hverju ári. Um allan Önundarfjörð er að finna afar fallegar gönguleiðir við allra hæfi og ekki má gleyma því að fuglalífið í firðinum er afar fjölbreytt og skemmtilegt að skoða. Að útivistinni lokinni er svo fátt betra en að slaka á í hinni notalegu sundlaug þeirra Flateyringa.

Com_298_1___Selected.jpg
Flateyri
GPS punktar N66° 3' 0.976" W23° 30' 46.205"
Póstnúmer

425

Fólksfjöldi

204

Flateyri - ferðaupplýsingar

Úr gagnagrunni Ferðamálastofu Íslands

Aðrir

Grænhöfði ehf.
Gistiheimili
  • Ólafstúni 7
  • 425 Flateyri
  • 456-7762, 863-7662, 861-8976
Alþjóðlegt dúkkusafn
Söfn
  • Hafnarstræti 4
  • 425 Flateyri
  • 456-7710, 866-4642
Iceland ProFishing
Gistiheimili
  • Hafnarstræti 9
  • 425 Flateyri
  • 456-6667, 896-0538
Gamla bókabúðin Flateyri
Söfn
  • Hafnarstræti 3-5
  • 425 Flateyri
  • 699-3936

Aðrir

Sölvahús
Sumarhús
  • Hafnarstræti 13
  • 425 Flateyri
  • 860-6062
Gistiheimilið Holt
Gistiheimili
  • Önundarfjörður
  • 425 Flateyri
  • 456-7611, 456-7783
Iceland ProFishing
Gistiheimili
  • Hafnarstræti 9
  • 425 Flateyri
  • 456-6667, 896-0538
Grænhöfði ehf.
Gistiheimili
  • Ólafstúni 7
  • 425 Flateyri
  • 456-7762, 863-7662, 861-8976
Korpudalur HI Hostel
Farfuglaheimili og Hostel
  • Kirkjuból í Korpudal
  • 425 Flateyri
  • 456-7808

Aðrir

N1 - Þjónustustöð
Kaffihús
  • Hafnarstræti
  • 425 Flateyri
  • 456-7878
Vagninn
Veitingahús
  • Hafnarstræti 19
  • 425 Flateyri
  • 456-7751
Félagsbær
Kaffihús
  • Hafnarstræti 11
  • 425 Flateyri
  • 456-7676
Náttúra
Holt

Önundarfjörður er fallegur fjörður, sérstaklega á Vestfirskan mælikvarða. Þetta er að mestu leiti að þakka Holtsfjöru sem einkennist af gulleitum skeljasandi. Heimsókn í Holtsfjöru á góðm sumardegi getur verið eins og að vera á Spáni. Trébryggjan í Holti er einnig einn mest myndaði staður á Vestfjörðum.

Leita
Finnur þú það ekki? Prófaðu leitina :)
Sjá lista Sjá kort

Vestfirðir

Þorp og bæir

Á Vestfjörðum eru margir áhugaverðir bæir og þorp með fjölbreyttir menningu og mannlífi. Hver staður hefur sín einstöku sérkenni en allir eiga þeir það sameiginlegt að taka vel á móti gestum sínum. Hér er hægt að fá ítarlegri upplýsingar um alla þéttbýlisstaði á Vestfjörðum.

Skoðaðu bæina okkar

Map Bolungarvík Hnífsdalur Suðureyri Flateyri Ísafjörður Súðavík Þingeyri Bíldudalur Tálknafjörður Patreksfjörður Hólmavík Drangsnes Reykhólar Borðeyri Djúpavík Norðurfjörður Norðurfjörður
  • Markaðsstofa Vestfjarða
  • Árnagata 2-4
  • 400 Ísafjörður
  • +354-450-3002
  • travel(at)westfjords.is